Евролигата жестоко го казни Димитрис Јанакопулос поради објави на социјалните мрежи
Сопственикот на грчкиот кошаркарски клуб Панатинаикос, Димитрис Јанакопулос, имаше уште една вербална војна против Евролигата.
Препорачано
Затоа Евролигата реши парично да го казни првиот човек на Панатинаикос. Незадоволен од судењето во вториот и четвртиот натпревар од плеј-офот на Евролигата против Анадолу Ефес, Јанакопулос ги нападна првите луѓе на оваа организација, судиите и секој што е барем малку поврзан со Евролигата.
Сопственикот на грчкиот клуб доби парична казна од 100.000 евра, една од најголемите казни во историјата на Евролигата досега. Во продолжение целото соопштение на организацијата:
– Димитрис Јанакопулос, мнозински акционер на Панатинаикос, е казнет со вкупно 100.000 евра за изјави на социјалните мрежи во врска со судењето, омаловажувачки коментари и штети предизвикани на други клубови, поединци и организацијата на Евролигата, во согласност со член 24.2. б), ц) и д) од Дисциплинскиот кодекс на Евролигата – се вели во соопштението.
Ова не се првите испади за Јанакопулос, минатата година, во серијата против Макаби, тој го навреди судијата Лука Кардум, а дури и пред тоа, мораше да ѝ плати на Евролигата за несоодветно однесување.
Петтиот натпревар помеѓу Анадолу Ефес и Панатинаикос е закажан за вторник од 20.45 часот, а победникот ќе се пласира на Фајнал-фор турнирот.
OFFICIAL: Mr. Giannakopoulos, the majority shareholder of Panathinaikos has been sanctioned with fine amounting a total of €100,000 for statements on social media regarding the officiating performance, disparaging remarks and damages towards others.
More on @Eurohoopsnet
— Aris Barkas (@arbarkas) May 5, 2025
