Кошаркарите на Партизан вечерва во Каунас загубија од Жалгирис со 66:70 (21:24, 19:11, 9:14, 17:21), во натпреварот од претпоследното 33 коло во Евролигата и ја загубија шансата за пласман во баражот.

Карлик Џонс беше најефикасен во српската екипа со 23 поени, од кои 16 во првото полувреме.

Во литванскиот тим Силван Франциско имаше 15 поени, а поранешниот играч на Партизан Ален Смаилагиќ 14.

На Партизан му требаше победа за да ги задржи шансите за пласман во плеј-ин. „Црно-белите“ се 12-ти на табелата со 16 победи и 17 порази, а Жалгирис е 13-ти со 15 победи и 18 порази.

Партизан следната недела ќе го пречека Реал Мадрид, а Жалгирис ќе игра против Ефес во Истанбул.