Денеска во рамките од 17 коло во кошаркарската Евролига составот на Црвена звезда славеше на гостувањето кај Валенсија со 75:77.

И покрај тоа што во составот на белградските „црвено-бели“ не беа Лука Вилдоза, Никола Ивановиќ и Хасан Мартин, како и неможноста да се регистрира најскапиот играч на клубот, Факундо Кампацо, српската екипа успеа да дојде до триумфот во Шпанија.

За деветтата евролигашка победа сезонава најзаслужен беше Филип Петрушев со 26 поени (девет скокови). На спротивната страна Крис Џонс запиша 16 поени (по пет скокови и асистенции).

На табелата Црвена звездда е на 10 позиција (9-8), додека Валенсија е на 13 место (7-10).

Во другите денешни мечеви: Анадолу Ефес – Лион Вилербан 78:72, Олимпијакос – Олимпиа Милано 82:66 и Реал Мадрид – Макаби Тел Авив 98:65.