Македонскиот пливач Евгениј Поп Ацев (37) е третиот најбрз маратонец кој го преплива Ла Манш годинава (досега), од вкупно 35 машки пливачи.

Поп Ацев го преплива Ла Манш во правец Англија – Франција поаѓајќи од Довер, а на целта доплива кај местото Одинген во Франција. За тоа му требаше време од девет часа и 43 минути.

Најбрз годинава бил Чехот Јакуб Качеровски кому му требале 9:10 часа, а зад него е Британецот Барнаби Рајдер кој го препливал „каналот“ за 9:42 часа.

Сите други биле значително побавни од Поп Ацев.

Најкраткото растојание преку Ла Манш е 32 до 34 километри, но повеќето пливачи поминуваат значително поголема дистанца, затоа што километражата зависи од јачината на струите и од временските услови што во тој момент делуваат, а можат да се разликуваат, од препливување до препливување.

На мапата е означена патеката по која пливал Поп Ацев.

Eвгениј Поп Ацев стана само петтиот Македонец кој го препливал Ламанш