Повеќето луѓе сакаат да бидат гушкани. Без разлика дали се работи за нежен пријателски допир, допир со љубов или размена на нежности со домашни миленици, сите ќе се согласат дека гушкањето нема замена.

Според психолозите, како мали деца учиме за важноста на гушкањето. Со гушкање, родителите ни покажуваат дека сме сакани, згрижени и дека се грижат за нас. Растејќи и интимно се поврзуваме со своите партнери, со што не престанува потребата од потврда дека другите се грижат за нас. Затоа, гушкањето е многу важно за повеќето луѓе кога станува збор за романтични врски.

Покрај чувството на сигурност, докажано е дека гушкањето го намалува стресот и благотворно влијае на менталното здравје. Исто така, истражувањата покажаа дека размената на нежности е многу важен фактор кога станува збор за стабилноста и сериозноста на врската.

Гушкањето во раните фази на врската ги зближува луѓето и ја прави врската посилна

Експертите велат дека луѓето кои повеќе се допираат и галат на почетокот на врската имаат поголеми шанси за долготрајна и силна љубовна врска. Со галење се ослободува окситоцин во телото, кој обезбедува чувство на удобност и ги поврзува луѓето. Луѓето кои редовно разменуваат наклонетост си покажуваат меѓусебно дека се сакани, поврзани и посакувани. Освен тоа, гушкањето се покажало како најдобар лек за расправии.

Гушкањето по секс дополнително ги поврзува луѓето

Се покажа дека паровите кои разменуваат нежности после секс повеќе се поврзуваат од оние кои не го прават тоа. Имено, за време на сексот се ослободува окситоцин кој нагло се намалува по оргазмот. Доколку сакате да го продолжите чувството на удобност и поврзаност со партнерот и после секс, едноставно препуштете се на нежните допири.