Британскиот тенисер Даниел Еванс, 184 играч во светот, го победи Русинот Карен Хачанов (АТП 22) во првото коло на грен слем, турнирот САД опен со 6:7 (6:8), 7:6 (7:2), 7:6 ( 7:4), 4:6, 6:4.

Тоа што ќе се памети по овој дуел не е триумфот на Еванс, туку тоа што двајцата го одиграа најдолгиот меч во историјата на САД опен.

Мечот помеѓу Еванс и Хачанов на шестиот терен траеше пет часа и 35 минути.

Со тоа за девет минути го надминаа рекордот на Стефан Едберг и Американецот Мајкл Чанг во полуфиналето во 1992 година. Швеѓанецот Едберг тогаш победи со резултат 6:7 (7:3), 7:5, 7:6 (7:3), 5:7, 6:4.

Не траеше долго ниту четвртфиналето од претходната година, кога се соочија Шпанецот Карлос Алкараз и Италијанецот Јаник Синер. Алкараз го трасираше патот до титулата, а пласманот во полуфиналето го избори по пет часа и 15 минути.