Ева Лонгорија за „Екстра“ (Extra) откри дека таа и оскаровката Мерил Стрип се во роднинска врска. Актерките добија улоги во новата сезона на серијата „Само убиства во зградата“ (Only Murders in the Building), а на сетот на серијата дури ги нарекуваа и „братучетки“.

– Мерил и јас сме братучетки. И двете направивме ДНК-тест во емисијата на доктор Гејтс и дознавме дека имаме заеднички роднини – изјавила популарната „домаќинка“ за „Екстра“.

Таа се осврна на документарната серија на Хенри Луис Гејтс Јуниор, во која многу познати луѓе ги откриваат своите корени.

– Години по шоуто ја видов Мерил на еден настан и еден пријател ми рече да одам кај неа и да ѝ кажам дека сме во роднинска врска. Му реков дека нема да го направам тоа, а потоа слушнав: „Братучедо!“ Се свртев и тоа беше Мерил – изјави Лонгорија.

Ѕвездата од популарната серија „Домаќинки“ откри и како е да се работи со нејзината братучетка Мерил на снимање.

– Беше навистина забавно и се викавме „братучетке“ – рекла Ева и додала дека Мерил на снимањето ја претставила Лонгорија како нејзина братучетка.

-Таа раскажуваше приказна и сите беа збунети бидејќи јас сум Латиноамериканка, а таа е Мерил Стрип – заклучила Лонгорија.