Актерката Ева Лонгорија е една од добитниците на наградата „Безос“ за храброст и учтивост оваа година, а станува збор за огромната добротворна поддршка што извршниот директор на „Амазон“ и неговата свршеница Лорен Санчез им ја даваат на филантропските активисти.

Познатата актерка доби 50 милиони долари и има десет години да најде достојна добротворна организација за да ги потроши на неа. Еден дел веројтно ќе оди на непрофитабилната организација која го носи нејзиното име, организацијата „Ева Лонгорија“, која од 2012 година им помага на Латиноамериканците со образование, стипендии и слични грантови.

Лонгорија и Санчез неодамна имаа интервју. Лонгорија решила да ги преземе работите во свои раце, па на својата долгогодишна пријателка ѝ поставила неколку клучни прашања.

„Те познавам 20 години и се чувствувам како да го знам одговорот на сите овие прашања“, рекла Лонгоорија, додавајќи дека е свесна дека луѓето мислат дека Санчез неодамна станала филантроп. Вели дека ја познава одамна и знае дека секогаш сакала да помага.