„Ерменците од Нагорно-Карабах не сакаат да бидат дел од Азербејџан“

Мапа на Нагорно Карабах / Фото: M-Production / Alamy / Alamy / Profimedia

Ерменците од Нагорно Карабах ќе се преселат во Ерменија бидејќи не сакаат да живеат како дел од Азербејџан и се плашат од етничко чистење, соопшти раководството на Нагорно Карабах.

– Нашиот народ не сака да живее како дел од Азербејџан, 99,9 проценти повеќе би сакале да ја напуштат нашата историска територија – изјави Давид Бабајан, советник на претседателот на самопрогласената Република Арцах Самвел Шахраманијан.

Тој рече дека не е јасно кога околу 120.000 Ерменци од Карабах ќе тргнат кон коридорот Лачин кој го поврзува Нагорно- Карабах со Ерменија.

– Судбината на нашиот кутар народ ќе влезе во историјата како срам и за ерменскиот народ и за целиот цивилизиран свет. Оние кои се одговорни за нашата судбина еден ден ќе треба да одговараат пред Господ за своите гревови – рече тој.

Мапа на Нагорно Карабах / Фото: Iryna Volina / Alamy / Alamy / Profimedia

Ерменија повика на итно распоредување на мисијата на ОН

Вчера Ерменија повика на итно распоредување на мисија на ОН за контрола на почитувањето на човековите права и безбедноста во Нагорно-Карабах, откако беше објавено пристигнувањето на помош во регионот за време на прекинот на огнот.

Азербејџан прогласи прекин на огнот во средата (20 септември) откако ги принуди ерменските сепаратисти да прифатат целосно враќање на Карабах, енклава на етнички Ерменци, под контрола на Азербејџан.

– Меѓународната заедница треба да ги преземе сите напори за итно распоредување на меѓуагенциска мисија на ОН во Нагорно-Карабах со цел следење и проценка на човековите права, хуманитарната и безбедносната состојба на терен – рече министерот за надворешни работи на Ерменија. Арарат Мирзојан во говор на сесијата на Генералното собрание на ОН.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот