Стефанос Кемос, 30-годишниот жител на грчкиот град Трикала, го загуби животот на плажата „Катисма“ на островот Лефкада во неделата попладне, откако брановите го повлекле во длабочините.

Стефанос, син на Костас и Дафни Кемос, познато бизнис-семејство од Трикала, планирал да се ожени на 14 јуни. Патувањето на Лефкада било дел од ергенската прослава со пријателите, само неколку дена пред да стапне на олтарот.

„Стефанос Кемос не беше само уште една жртва на морето. Тој беше сакано дете, вреден човек, соништата му беа големи. Неговата загуба остава огромна празнина кај неговото семејство, пријателите и целата заедница. И нè потсетува колку животот е кревок, дури и тогаш кога мислиме дека сè дури сега започнува“, пишуваат грчките медиуми.