Откако медиуми во Хрватска пренесоа информација дека од компанијата „ЕОС Матрикс“ протекле лични податоци на над 180 илјади Хрвати, компанијата ги демантираше таквите тврдења .

„Со проверка на сопствените системи, „ЕОС Матрикс“ во Хрватска утврди дека не се случило безбедносно пробивање, ниту се утврдило внатрешно неовластено ракување со лични податоци. Истото не е утврдено и од претходните континуирани и интензивни проверки на информатичките системи. При обработката на личните податоци се применуваат соодветни организациски и технички мерки за заштита на личните податоци, а сето тоа во согласност со позитивните правила на Општата регулатива за заштита на податоците. Како резултат на тоа, личните податоци на граѓаните во рамките на „ЕОС Матрикс“ во Хрватска не се загрозени на ниту еден начин“ велат од компанијата.

Од компанијата велат дека наводите на медиумите за „протекувањето” на личните податоци не влијае на континуитетот на работењето или ги загрозува личните податоци на граѓаните регистрирани во нивната база на податоци. Тие велат дека ќе продолжат со своите редовни деловни активности.

„ЕОС Матрикс Хрватска поседува сертификат на ИСО 27001, светски стандард за информациска безбедност. Ова независно стандардизирање гарантира дополнителна и сеопфатна заштита, препознавање и обработка на ризикот. EOS Matrix во Хрватска претходно, веќе во вторник, 21 март, ја извести Агенцијата за заштита на личните податоци за шпекулациите за „протекување“ на лични податоци. ЕОС Матрикс Хрватска целосно соработува со Агенцијата за заштита на личните податоци и започнати се и други постапки пред компетентните органи на Р. Хрватска со цел да бидат заштитени правата на компанијата, стои во соопштението.

ЕОС Матрикс Македонија известува дека и во компанијата во Македонија користењето на личните податоци на должниците и нивната достапност, е сведена на најосновната потреба, при комуникација и обработка. ЕОЅ Матрикс во Македонија има имплементирано различни безбедносни системи за контроли на пристап, контрола на проток на податоци и врши систематско надгледување на пристапот на сите системи. Тие се носители на ИСО 27001 и ИСО 27701, светски стандарди за информациска безбедност и безбедност на лични податоци.