Смути со цвекло и банана е одлична зимска напивка полн со витамини и минерали. Со висока содржина на калциум, влакна, манган, магнезиум, калиум, рибофлавин, витамин Ц и витамин Е, овој пијалак е идеален оброк за брз утрински појадок.

Интензивно розовата боја на ова смути ја дава цвеклото кое е богато со калиум, калциум, магнезиум, манган и железо.

Содржи и витамини од групата Б, меѓу кои најмногу се издвојуваат рибофлавинот и витаминот Ц, благодарение на кои оваа напивка е идеална за студените зимски месеци и за кревање на енергијата наутро.

Калциумот е минерал кој ја регулира кисело-алкалната рамнотежа во сите телесни течности, додека магнезиумот и железото придонесуваат за намалување на заморот и исцрпеноста.

Манганот, исто така минерал, го олеснува метаболизмот на протеините и јаглехидратите и ги активира ензимите одговорни за користењето на клучните хранливи материи, како што се витамините Б, кои се неопходни за имунолошкиот и нервниот систем.

Витаминот Ц е исто така добар за функцијата на имунолошкиот систем и здравјето на кожата, а е и моќен антиоксидант. Калиумот помага во комуникацијата со мускулите и нервите, движењето на другите хранливи материи во клетките и го одржува нивото на натриум во телото.

Состојки:

– 1 мало печено цвекло
– 1/2 замрзната банана
– 1 шолја млеко по избор
– прстофат сол
– засладувач по вкус (како што се урми, стевиа или јаворов сируп)
– 1 лажица какао во прав по желба

Подготовка:

Сите состојки измешајте ги во блендер додека не добиете изедначена, мазна смеса, сипете во висока чаша и уживајте.