По речиси три години од почетокот на нивниот развод, манекенката Емили Ратајковски (34) и актерот Себастијан Бер-Меклард (44) сега се официјално разведени, открива „Дејли мејл“.

Според судските документи, одлуката за развод е донесена на 22 јули во Врховниот суд во Њујорк, со што Емили и Себастијан се законски разведени. Истиот ден, поднесена е наредба во врска со здравственото осигурување на нивниот син, но бидејќи евиденцијата за развод во таа држава е затворена за јавноста, деталите се непознати.

Разводот изгледаше конечен кон крајот на минатата година, кога адвокатот на познатата манекенка ги поднесе сите потребни документи – вклучувајќи предлог-пресуда и договор за старателство над децата. Сепак, судот потоа ја врати пресудата на ревизија. Дотогаш, очигледно веќе беше постигната спогодба, но и таа останува подалеку од очите на јавноста.

Емили поднесе барање за развод во септември 2022 година, четири години откако се венчаа. Тие се разделија неколку месеци претходно, во јули, а разделбата наводно била предизвикана од неверството на Себастијан. Двојката има син, Силвестер Аполо Бер, кој е роден во март 2021 година. Момчето живее со Емили, но го гледа својот татко неколку пати неделно.

Во разговор за подкастот „Гоинг ментал“, Емили призна дека долго време се двоумела дали да го прекине бракот.

„Долго време немав храброст да си заминам. Бев многу несреќна, Стресот го чувствував и физички – имав 45 килограми, веднаш по породувањето. Не се чувствував добро“, искрено рекла таа тогаш.

Таа, исто така, зборуваше за тоа како се обидела да најде помош – земала антидепресиви, но чувствувала дека проблемот не е во неа.

„На крајот, научив дека треба да ги слушам сопствените инстинкти“, додала таа.

Во интервју за „Вог Австралија“ во ноември минатата година, Ратајковски откри дека размислува да напише книга за разводот, надевајќи се дека ќе ги разбие општествените предрасуди.

За разлика од Емили, Себастијан целосно се повлече од јавноста, особено откако две тинејџерки изнесоа сериозни обвинувања дека тој ги злоупотребувал и сексуално ги експлоатирал на Инстаграм.

Емили, од друга страна, ужива во нова фаза од својот живот. По разводот, таа беше поврзана со голем број познати мажи – од комичарот Ерик Андре, до пејачот Хари Стајлс, со кого беше видена како се бакнува на улиците на Токио во март 2023 година, до диџејот Орази Рисп, францускиот актер Стефан Бак и музичарот Шабузи.

ВИДЕО | Емили Ратајковски е очајна: „Ова е најлошата фризура што сум ја имала во животот“