Менаџерот на фудбалерите на Астон Вила, Унаи Емери, се надева дека Маркус Рашфорд ќе може повторно да игра до крајот на сезоната, но досега одби да коментира за неговата долгорочна иднина. Рашфорд се повреди пред полуфиналето на ФА Купот против Кристал палас, а Емери рече дека ќе биде неколку недели надвор од терените.

Во Премиер лигата до крајот на сезоната 2024/2025 остануваат само четири натпревари, што ги зголеми загриженостите дека играчот повеќе нема да игра за тимот од Бирмингем.

Емери се надева дека Рашфорд ќе може да се врати на време за да му помогне на тимот, кој се стреми кон пласман во Лигата на шампионите.

– Маркус нема да може да игра против Фулам. Тој работи на неговото враќање што е можно поскоро, но сепак му требаат неколку недели. Се надевам дека ќе може да игра на еден или два натпревари.

Важно е да се брка победа на секој натпревар. Мора да покажеме упорност и да се обидеме да бидеме најтешкиот можен противник. Имаме уште четири натпревари за играње, а против Фулам ќе играме за трите бода. Отсекогаш сме имале амбиции да играме на европски натпреварувања – рече Емери Емери.

Астон Вила моментно е на седмата позиција со 57 бодови, зад Челси и Нотингем форест кои имаат по 60, а на четвртото место е Њукасл со 62.

The Boss on the desire to finish the season strong 🗣️

His full press conference is now on VillaTV 📺

— Aston Villa (@AVFCOfficial) May 2, 2025