Елмас пред враќање во Наполи: Преговорите со РБ Лајпциг се во завршна фаза
Експертот за фудбалски трансфери, Фабрицио Романо, објави дека Елиф Елмас наскоро би можел повторно да го облече дресот на италијанскиот Наполи.
Препорачано
Романо известува дека враќањето во Неапол е неизбежно, а преговорите се во завршна фаза со германскиот РБ Лајпциг, клубот на Елмас.
Новите информации велат дека денеска ќе се одржат нови директни контакти за да се постигне договор. Наполи ќе покрие 100% од платата на Елиф Елмас со почетната позајмица.
Претходно италијанските медиуми најавија дека едногодишната позајмица ќе вреди два милиони евра, со опција за откуп од 16 милиони евра.
Елмас го засили Лајпциг во јануари 2024 година за 23 милиони евра и одигра споредна улога во втората половина од сезоната на тимот од Бундеслигата.
Минатата сезона, Елмас беше испратен на позајмица во Торино со опција за откуп. Играчот за врска одигра 13 натпревари во Серија А, постигнувајќи четири гола.
🚨💙 Elif Elmas and Napoli, the comeback is imminent as negotiations are at final stages with RB Leipzig.
New direct contacts will take place today to get the agreement done, as Napoli will cover 100% of his salary on initial loan. pic.twitter.com/bl8tlLcDdS
— Fabrizio Romano (@FabrizioRomano) August 27, 2025
