По историскиот настап со македонската репрезентација на Евро 2020, Елиф Елмас им се врати на клупските обрврски каде во новата сезона ќе игра под водство на нов тренер, Лучано Спалети.
На стартот од подготовките, Елмас во разговор со италијанските меидуми зборуваше за настапот на Македонија на Европското првенство и „дијамантот“ притоа истакна дека ова нема да биде последен пат „рисовите“ да бидат учесници на едно големо натпреварување.

– Да се биде дел од европското првенство е навистина импресивно искуство, прекрасно чувство да се бранат боите на својата земја. Верувам во нашите квалитети, убеден сум дека ќе се вратиме, дека Македонија пак ќе игра на едно големо натпреварување – изјави Елмас.

Македонскиот репрезентативец исто така на медиумите им откри дека ужива во Неапол и во вкусната пица.
– Да се носи дресот со број седум на Наполи е голема чест бидејќи врвни играчи го имале овој дрес на грбот низ историјата. Мојот омилен спомен од Наполи досега е освоениот трофеј во Купот на Италија. Уживам во Неапол, луѓето овде се топли. Има и превкусна пица, тоа е моето омилено јадење. Фаворити ми се маргарина и карпичиоза – вели Елмас.