Претседателот на актуелниот италијански шампион Наполи, Аурелио Де Лаурентс, потврди дека Елиф Елмас е продаден, а негова следна дестинација ќе биде Лајпциг.

Тоа ќе биде нов голем предизвик за македонскиот фудбалски „дијамант“, новинарот Фабрицио Романо објави на својот Твитер профил дека нашиот репрезентативец е веќе во Германија.

Елмас треба да ги помине задолжителните медицински прегледи, а подоцна во текот на денешниот ден ќе следи и официјалниот потпис (долгорочен договор) со бундеслигашот.

?⚪️?? Eljif Elmas, already in Germany to undergo medical tests at RB Leipzig later today. Long term contract will be signed right after.

Napoli have already approved €25m deal for the midfielder who's gonna leave the club on permanent transfer. pic.twitter.com/Wy7jQKoViz

— Fabrizio Romano (@FabrizioRomano) December 23, 2023

Наполи ја прифати понудата од 25 милиони евра за 24-годишниот играч од средниот ред. Како што известува Романо, Елмас ќе го напушти Неапол и ќе добие траен договор од Лајпциг.

Пет години беше во дресот на Наполи со кој успеа лани да ја освои титулата во Серија А, а во сезоната 2019/20 и пехарот во Купот на Италија.

Оваа сезона пред разделбата со Наполи во шампионатот имаше 11 настапи и два голови, севкупно во Серија А запиша 14 голови. Се истакна и во Лигата на Европа со четири погодоци и една асистенција.

На клупски план беше дел и од Работнички и Фенербахче, а за најдобрата македонска репрезентација до сега запиша 52 настапи и 12 голови.