Деменцијата е состојба која не може целосно да се спречи – возраста, генетиката и влијанијата од околината можат да играат улога. Сепак, одредени фактори на ризик поврзани со начинот на живот може да се контролираат за да се обидете да ја спречите оваа состојба.

Лекарите ги издвоија трите најважни фактори на кои треба да внимаваме доколку сакаме да го намалиме ризикот од деменција, пишува „Хафпост“.

Недоволно вежбање

„Дебелината, хипертензијата и дијабетесот се поврзани со до 50 отсто од случаите на деменција. Така, подобрувањето на факторите на ризик, како што е седентарен начин на живот, кои придонесуваат за развој на оваа состојба може значително да ги намали стапките на деменција“, рекол неврологот д-р Алваро Пасквал-Леоне за „Хафпост“.

Тој препорачува вежби како што се пешачење или возење велосипед, вежби за сила со тегови или вежби за ум-тело како јога или таи чи, кои можат да го смират умот. Тој тврди дека се доволни барем 30 минути дневно, пет дена во неделата.

Недостаток на социјална интеракција

Осаменоста е во голема корелација со депресија, злоупотреба на алкохол и проблеми со спиењето. Покрај тоа, тоа е исто така фактор на ризик за деменција.

„Ограничениот социјален ангажман и интеракција се поврзани со поголем ризик од деменција“, изјабвил лекарот и невролог д-р Смита Пател.

Исто така, се наведува дека зголемената социјална интеракција може да придонесе за долговечност.

„Вашата вкупна стапка на преживување се зголемува за 50 потсто ако имате силни социјални врски. Повеќе од 80 отсто од стогодишниците секојдневно комуницираат со пријател или член на семејството“, додала таа.

Недостаток на сон

„Несоодветниот сон, особено спиењето помалку од пет до шест часа навечер, е поврзано со зголемен ризик од развој на деменција подоцна во животот“, предупредила Пател.

За жал, несоницата станува се почеста како што старееме. Ако ни е тешко да спиеме повеќе од пет часа навечер, Пасквал-Леоне предлага неколку чекори што треба да ги преземеме.

„Можете да го направите ова со ограничување на алкохолот, избегнување големи оброци и пијалоци два часа пред спиење, одржување на студена соба (помеѓу 16 и 20 степени Целзиусови), избегнување користење мобилни телефони, лаптопи два часа пред спиење и користење на апликации или апарат за бел шум“, заклучил тој.