Болката и толеранција на болка се субјективни чувства, меѓутоа, Националната здравствена служба на Велика Британија тврди дека тоа се објективно најсилните болки.

Иако жените тврдат дека породилните болки се најсилни и неспоредливи со кој било друг вид на болка, тие, сепак, не се најдоа на листата на британските експерти.

Токму затоа жените се склони да веруваат дека списокот на правеле исклучиво мажи или дека во тимот имало и жени кои не се породиле, бидејќи во спротивно сигурно не би ги заборавиле породилните болки.

„Блокада на рамото“

Прва на листата е најчеста причина за болка и вкочанетост на рамото кај луѓето. Болката и вкочанетоста може да траат и две или три години пред спонтано да исчезнат, а во раните фази таа состојба може да биде многу болна.

Фрактура на коските

На болката предизвикана од фрактура влијание големината на коската, видот на скршеницата и придружните компликации. Најголема болка предизвикуваат фрактури на бутната коска, потколеница и скршеници на карличниот прстен.

Срцев удар

Инфарктот на миокардот или срцев удар е изумирање на делот од срцевиот мускул поради целосно прекинување на протокот на крвта во погодениот дел од срцевиот мускул. Секој што се занимава со спорт знае дека кинењето на некој мускул или обичното истегнување на мускулот, да речеме на ногата, е многу болно и дека потоа ногата извесно време е нефункционална. Исто е и со срцето, оштетувањето што се јавува може да биде со различна големина.

Регионална болка

Тоа е состојба на трајна и често онеспособувачка болка, зафаќа еден регија (најчесто раката) и често се појавува по траума, која со тежината не се совпаѓа со нивото на болката. Постариот назив за оваа состојба на хронична болка придружено со моторни и автономни симптоми е рефлексна симпатичка дистрофија или каузалгија.

Дискус хернија

Најчесто се појавува во долниот и цервикалниот дел на ‘рбетот. Болката е предизвикана од притисокот на дискусот (перничиња) кој се наоѓа помеѓу два пршлени и кој, во овој случај, е потиснат кон нервот што излегува од ‘рбетот. Ова доведува до појава на силна болка, пецкање, слабост на заболената нога, а во најтешките случаи и до нарушување на мокрењето и празнењето на столицата.

Фибромијалгија

Фибромијалгија е хронична болест која се карактеризира со постојани болки и постојано чувство на замор, а трае, во повеќето случаи, цел живот. Не ги оштетува мускулите, зглобовите, органите, не е опасна по живот и со текот на времето станува поднослива. Од неа боледува четири отсто од населението. Фибромијалгијата ја намалува работната способност и значително влијае на квалитетот на животот и расположението.

По операцијата

Интервенциите на умерена траума може да предизвикаат значителна болка по операцијата.

Чир на желудникот

Чир на желудникот и чир на дванаесетпалачното црево може да се опишат како ограничено оштетување на слузницата на дигестивниот систем што продира низ мускулниот слој на слузокожата, оставајќи лузна при зараснувањето. Главна улога во развојот на болеста имаат инфекцијата со Хеликобактер пилори, лековите, факторите на начинот на живот, тешкиот физиолошки стрес, но и генетските фактори.

Панкреатитис

Тоа е акутен воспалителен процес на панкреасот. Се појавува ненадејно и се карактеризира со силни болки. Болките најчесто се шират како појас околу горниот дел од стомакот.

Гихт

Гихт е назив за групата болести кои се карактеризираат со зголемена концентрација на мокрачната киселина во крвта, напади на ненадејно настанати воспаленија на (обично еден) зглоб, таложење на кристали на урична киселина во близина на зглобовите, таложење на кристали на урична киселина во бубрегот, како и камења во бубрезите.

Ендометриоза

Ендометриозата е бенигна болест кај жените, во која мали парчиња ендометриум, внатрешното ткиво на матката, може да се најдат надвор од матката, каде што не припаѓаат. Најчесто овие парчиња на ендометриумот се наоѓаат на стомачното ткиво на ѕидовите на малата карлица, јајчниците, јајцеводот, мочниот меур, цревата, но и на оддалечните органи, на пример, на белите дробови, па дури и на окото. Најчестите симптоми на ендометриоза се болни менструации и болка за време на сексуалниот однос.

Невралгија

Тригеминална невралгија, позната и како „болен тик“ е хронична болка која се јавува во областа зафатена од nervus trigeminus. Тригеминална невралгија е форма на невропатска болка која пациентите често ја опишуваат како струен удар.

Воспаление на слепото црево

Слепото црево е дел од дебелото црево на местото каде што се спојува со тенкото црево. Се претпоставува дека воспалението настанува поради опструкција на отворот на слепото црево, што предизвикува силна болка.

Камења во бубрезите

Камењата во бубрезите се формираат од кристали кои се таложат од урината и се насобираат на внатрешните површини на бубрезите. Кога камењата ќе навлезат во уретерите, се јавува силна болка која не поминува додека не се исфрли каменот или не се даде соодветна доза на аналгетици.

Ишијас

Ишијасот е проследен и со силна, остра болка во долниот дел на грбот која се шири кон ногата низ глутеалната регија, понекогаш сè до прстите.

Мигрена

Мигрената е главоболка која се јавува периодично и обично погодува половина од главата. Болката е често придружена со гадење, повраќање и нарушување на видот. Пред нападот, често се појавува аура (предсигнал на вистинскиот напад на мигрена).

Артритис

Ревматоидниот артритис е тешка, хронична, воспалителна болест на сврзното ткиво кое најмногу се покажува на зглобовите. Во ова нарушување, имунолошкиот систем го напаѓа ткивото на ‘рскавичното ткиво, коските и понекогаш, внатрешните органи.

Кластер главоболки

Кластер главоболките се неподносливи напади на хистаминска главоболка на едната страна од главата, првенствено во пределот на окото и слепоочницата.

Херпес зостер

Вирусна инфекција која може да трае и по еден месец. Болест е предизвикана од вирусот варичела зостер, истиот вирус кој ги предизвикува и малите сипаници. По прележаните сипаници, вирусот останува во организмо па се активира долж еден од нервите, предизвикувајќи болест и болка.