Наводнувањето е особено деликатна тема бидејќи понекогаш е потребно време да се открие што му одговара на секое растение. Она што можеби не сте го помислиле е дека исто така е важно со каква вода ги наводнувате вашите внатрешни растенија.

На некои места има чести предупредувања да не пиете нефилтрирана вода од чешма, па можеби се прашувате дали е во ред да ја користите таа вода за вашите зелени миленичиња?

Експертот по хортикултура Џастин Хенкок објасни за „Рил симпл“ дека во повеќето случаи е сосема во ред да се користи вода од чешма за домашни растенија.

Тој објаснува дека има ретки ситуации каде што може да има поголемо количество флуор во водата што може да влијае на некои од растенијата чувствителни на флуор. Сепак, дури и да се најдете во таква ситуација, можете да ја „разблажите“ водата од чешма со дестилирана или флаширана вода, за да ја доведете концентрацијата на флуор на прифатливо ниво.

Хенкок вели дека дождовницата обично се смета за најдобра затоа што е природна, но „во огромното мнозинство места, водата од чешма, дождовницата, флашираната вода и друго се во ред“.

„Да се ​​внимава да не се користи премногу или премалку вода на домашните растенија е многу поголем проблем од самиот тип на вода“, вели експертот.