Мастурбацијата не е толку физички напорна како сексот со партнерот и не бара толку многу енергија. Меѓутоа, оргазмот, како кулминација на двете активности, всушност согорува најмногу енергија.

Иако темата за мастурбација е често табу тема, истражувањата покажуваат дека тоа може да донесе многу здравствени придобивки. Лиценцираниот терапевт Ерин Рејбурн објаснува дека мастурбацијата може да го стимулира ослободувањето на ендорфин во мозокот, што го намалува стресот, анксиозноста и депресијата и го намалува воспалението во телото.

А што е со калориите? Знаеме дека сексот согорува калории, но дали мастурбацијата може да го стори истото?

– Не е тајна дека сексот помага во согорувањето на калориите. Мастурбацијата може да согорува и калории, во зависност од интензитетот и времетраењето – потврдува Рејбурн.

Иако интензитетот на мастурбацијата варира од личност до личност, истражувањето дава неколку насоки. Студијата од 2013 година покажа дека мажите согоруваат во просек 101 калории за време на 24 минути секс, додека жените согоруваат околу 69 калории. Од друга страна, за време на мастурбацијата, согоруваме во просек само 5 до 6 калории.

Причината е едноставна, мастурбацијата не е толку физички напорна како сексот со партнерот и не бара толку многу енергија. Меѓутоа, оргазмот, како кулминација на двете активности, всушност согорува најмногу енергија. Иако мастурбацијата не е најефикасен начин за согорување на калориите, таа може да донесе други придобивки како што се намален стрес, намален крвен притисок и подобра релаксација, а според некои истражувања и подобар сон.

Значи, иако мастурбацијата не е ефикасен начин за слабеење, може да придонесе за подобро ментално и физичко здравје.