Еколошки организации бараат Ана Петровска да остане државен секретар во МЖСПП
Ние долупотпишаните, апелираме г-ѓата Ана Петровска да остане на позицијата државен секретар во Министерството за животна средина и просторно планирање.
Ние како еколошки организации сакаме да сведочиме дека г-ѓата Ана Петровска како државен секретар во минатата Влада беше пример за државен функционер со интегритет и професионализам. Г-ѓа Петровска е неуморен професионалец со големо искуство и знаење од областа на заштита на животната средина.
Како еколошки граѓански организации кои долги години работат во секторот животна средина уверуваме дека г-ѓата Ана Петровска е докажан експерт во својата област која покажа дека можни се промени и подобрувања.
Информациите за потенцијалната нејзина промена од позицијата, како активисти не’ вознемири и не’ запраша зошто успешниот кадар би се менувал, наместо да биде награден.
Честопати изложувана на ризик и непријатност, демонстрираше интегритет и достоинство во критични ситуации. Нејзината замена ја гледаме како чекор назад за многу здрави процеси, кои почнаа да се одвиваат во Министерството по нејзина заслуга.
Ние долупотпишаните, апелираме г-ѓата Ана Петровска да остане на позицијата државен секретар во Министерството за животна средина и просторно планирање.
Искрено се надеваме дека ќе го прифатите нашиот апел и ќе ги препознаете вистинските професионалци во државните институции и ќе ги поставите на вистинските места, како што беше државниот секретар на МЖСПП во изминатиот мандат.
Со почит,
· ДЕМ- Движење на екологистите на Македонија
· Здружение „Гоу Грин”- Скопје
· Асоцијација Ајде Македонија- Скопје
· Еколошко здружение „Здрава Котлина” – Струмица
· Еколошко здружение „Еко Долина” – Ново Село
· Граѓанска иницијатива „Скопје бара чист воздух
· Здружение Извиднички Поречански Одред Крсте Јон- Струга
· ЕД Еко-Рурал Пелистер с.Дихово Битола
· ЕД Сапунчица с.Дихово Битола
· ЗЗУЖС Еко-живот, Кавадарци
· Центар за ресурси во животната средина (РЕЦ)- Северна Македонија.