Сезонава за титулата во македонска ракометна Суперлига се борат актуелниот шампион РК Еурофарм Пелистер, РК Вардар 1961 и РК Алкалоид.

На четири кола до крајот на првенството Вардар 1961 е на врвот со 13 бодови, колку што има и второпласираниот Еурофарм Пелистер, додека на третата позиција е Алкалоид со девет.

Доколку Вардар и Пелистер ги добијат сите мечеви, за титулата ќе се решава на 8 јуни во последното коло во Скопје кога ќе се сретнат двата тима.

Денеска Европската ракометна федерација (ЕХФ) објави пет најголеми клупски ривалства во Европа.

На оваа листа се наоѓа и ривалството Вардар – Пелистер на петтата позиција.

На врвот е ривалството Барса – Кил, следуваат Кјелце – Висла Плоцк, Веспрем – Пик Сегед и ПСЖ – Монпелје.