На Олимписките игри во Париз македонскиот борач Владимир Егоров е поразен во осминафиналната фаза.

Егоров во категоријата до 57 килограми слободен стил загуби со резултат 10:0 од Аман Шерават од Индија.

Противник на Шерават во четвртфиналето на турнирот ќе биде Албанецот Зелимхан Абакаров кој со 7:6 го совлада Диамантино Иуна Фафе од Гвинеја-Бисау.

Егоров може да дојде до репасаж и можност да се бори за медал само доколку Шерават стигне до финалето.

Егоров е четвртиот македонски спортист со настап на Игрите во Париз, претходно учествуваа и пливачот Никола Ѓуретановиќ, потоа Анастасија Мојсовска во спортско стрелаштво и Еди Шерифовски во џудо.

Денеска свој настап ќе има и таеквондистката Милјана Рељиќ во категоријата до 57 кг., а нејзина противничка на стартот е двократната олимписка шампионка Џејд Џонс.