Ефтимов: Штип е огромна депонија, а ЈП „Исар“ троши луксузно (ВИДЕО)
Трошиме за сладолед, а немаме за основни потреби на граѓаните. Ова очигледно е новата парола на ЈП „Исар“, кој секоја година набавува луксузни работи од парите кои ги собира од граѓаните, вели Игор Ефтимов од редовите на опозициската партија ВМРО-ДМНЕ.
Спротивно на ова, потенцира Ефтимов, ЈП „Исар“ не ги сервисира основните проблеми на граѓаните, градот стана една огромна депонија, отпадот и нечистите улици се работи со кои секојдневно се соочуваме.
-Неуредени паркови и запоставени детски игралишта е сликата која што асоцира на овој град. Необезбедување на вода во домаќинствата во период на КОВИД пандемија е состојба на која што веќе се навикнавме. Набројаното е само доказ дека ЈП „Исар“ не работи во името на граѓаните. Услугите за кои што им се плаќа и кои што се дел од нивната основна дејност непрофесионално се извршуваат, додека претпријатето се луксузира од тешко заработените пари на просечниот граѓанин– рече Ефтимов.