Јадењето овошје и зеленчук е одлична одлука ако сте на диета, па сакате да јадете нешто, но да не скренете од патот. Но, со или без диета, најздравите намирници се оние од растително потекло и треба да се консумираат што почесто, па сигурно нема да погрешите ако изедете јаболка, портокали, јагоди или боровинки, а да не зборуваме за супер здравите банани, калинки или грозје… Но, ако сакате да го заштитите здравјето на коските, тогаш треба да размислите да јадете по една шака сливи секој ден, а исто така се одлични за оние кои сакаат да се чувствуваат здрави и силни и кога се стари. Покрај тоа што се вкусни и што ќе ве заситат, тие се одлични и за здравјето на коските, покажуваат резултатите од новото истражување.

Студијата беше спроведена од програмата Интегративна биомедицина и психологија на Универзитетот за кинезиологија оваа година и беше вклучена во студија на жени кои поминале низ менопауза и, низ 12 месеци, јаделе ниту една слива, шест или 12 суви сливи на ден.

Главниот автор на студијата, д-р Јанхави Демани објаснил: „Резултатите што ги добивме укажуваат дека со консумирање на 6 или 12 сливи дневно можеме да ја намалиме можноста за воспалителни процеси кои придонесуваат за губење на коскената маса кај жените во по менопаузата“.

Демани додава идека оваа студија нè води до сознанието дека сувите сливи би можело да бидат ветувачка намирница која ја спречува појавата на воспаление.

„Овошјето и зеленчукот богати со биоактивни состојки како што се здрави киселини, флавоноиди и каротеноиди можат да помогнат во борбата против остеопорозата. Сувите сливи содржат полифеноли кои можат да ги намалат последиците од воспалението и оксидативниот стрес што може да придонесе за губење на коскената маса, а тие, пак, придонесуваат за губење на коскената маса“, додава Келси Сакман, нутриционистка.

Колку треба да се изедат?

Сакман додава дека ова овошје може да има и дополнителни придобивки како што се минерали, витамин К, феноли и диетални влакна – сите неопходни за добро здравје.

И додека сувите сливи се познати како супернамирница, имајте на ум дека се полни со шеќер, па внимавајте на количината што ја јадете. Добро е да се комбинираат со протеини за да се спречи покачување на шеќерот во крвта.

Ако се прашувате како да ги направите дел од вашата исхрана, Сакман додава дека можете лесно да ги носите на работа и да ги јадете како ужина во секое време од денот. Можете да ги додадете и во овошни пијалаците или салатите, но и во омилениот јогурт. Дополнително, авторот на студијата додава дека можете да ги додадете во пица, а одлично одат со црвен кромид, моцарела и вински оцет.

Што уште треба да знаете за сливите?

Еве неколку тајни ефекти од консумирањето сливи и неколку факти кои не сте ги знаеле, а откако ќе ги прочитате, сливите би можеле да ви станат омилено овошје. За почеток, добро е да се знае дека сливите се богати со витамин Ц, а во значителни количини содржат витамини од групата Б и витамините Е и К.

Често се споменува изобилство на витамин А бидејќи сливите се богати со бета-каротин, кој се претвора во витамин А. Доколку барате природен извор на различни минерали, одговорот е – сливи! Има многу калиум и фосфор, а содржи и железо, магнезиум, калциум, бакар…

Сувите сливи, кои сите ги знаеме и ги сакаме, се еден од најблагите и најлесните начини за балансирање на дигестивниот систем. Сувите сливи помагаат во правилното варење со тоа што ги снабдуваат цревата со едноставни шеќери кои привлекуваат течност во цревата. Со намалување на нивото на ЛДЛ-холестерол, сувите сливи можат да го намалат ризикот од коронарна артериска болест и срцев удат. Со стимулирање на варењето и намалување на нивото на литохолна киселина, сувите сливи можат да помогнат во спречување на рак на дебелото црево.