Многумина го избегнуваат овој деликатес од страв да не се здебелат, а тој е полн со хранливи материи.

Кога станува збор за слатките, често е тешко да им се одолее, а штом ќе почнеме да ги јадеме, уште потешко е да престанеме.

Последиците се добро познати: висок шеќер во крвта, дебелина поради висок внес на калории, а без хранливи материи, мрсна кожа и низа други проблеми, но постои еден сладок деликатес кој експертите често го препорачуваат како пожелен во исхраната.

Во прашање е темното чоколадо.

Топ-моделот Синди Крафорд, една од жените кои со својата убавина ги одбележаа деведесеттите години, а која сè уште доминира на модните писти, своевремено на својот профил на Meaningful Beauty на социјалната мрежа Икс, поранешен Твитер, напиша дека коцка црно чоколадо е нејзино секојдневно уживање.

– На крајот од ручекот, секогаш земам мало парче темно чоколадо. Тоа е порака до моето тело дека оброкот е готов – изјави Синди за „Кат“.

Зошто треба да јадеме темно чоколадо?

Научните истражувања покажаа бројни предности од консумирањето на овој деликатес, кој има голем дел од какао и обезбедува многу антиоксиданти и минерали.

Според медицинската платформа „Хелтлајн“, една штангла темно чоколадо од 100 грама, кое има од 70 до 85 отсто какао, содржи:

– 11 грама влакна

– 66 отсто од препорачаната дневна доза на железо

– 57 отсто од препорачаната дневна доза на магнезиум

– 196 отсто од препорачаниот дневен внес на бакар

– 85 отсто од препорачаниот дневен внес на манган, а богатa е со калиум, фосфор, цинк и селен.