Актерите Џејсон Момоа и Лиза Бонет одлучија да му дадат уште една шанса на нивниот брак, објави „Hollywood Life“.

Некаде кон средината на јануари годинава, актерскиот пар ја шокираше јавноста со нивната одлука дека ќе се разведат. Но, се чини дека славниот пар се премислил и дека тие се повторно заедно.

„Џејсон се врати кај Лиса пред две недели и тие се повторно заедно. Одлучија да поработат на односот бидејќи имаат вложено многу еден во друг“, вели близок пријател на парот за Hollywood Life.

Нивните две деца, ќерката Лола и синот Вулф очигледно се одушевени што нивните родители си дадоа уште една шанса за успех, додава изворот.

Како потсетување, Џејсон и Лиса се во љубов повеќе од 16 години, а официјално стапија во брак во 2017 година. Претходно, Лиса беше во брак со музичарот Лени Кравиц, со кого ја има ќерката Зои Кравиц.

„Лиса е, и отсекогаш била, единствената жена која тој ја сакал“, вели нивниот пријател.

Џејсон Момоа и Лиза Бонет се разделуваат: Актерската двојка ја споделија веста на поетичен начин