Eден од најславните италијански клубови, Сампдорија, поминува низ најтешките денови од својата историја и во наредната сезона ќе игра во третиот ранг на италијанскиот фудбал, Серија Ц.

Сампдорија официјално испадна од Серија Б по вчерашното реми без голови против Јуве Стабиа со кое заврши на 18-тото место на табелата.

Разочарувањето беше очигледно кај фудбалерите и стручниот штаб, во ноќ која ќе остане запаметена како една од најтажните во 78-годишната историја на клубот. Сампдорија во 1992 година играше финале во Лигата на шампионите. Комплетниот крах го заокружија и младинците кои исто така испаднаа и ќе играат во Примавера 2, додека женскиот тим од следната сезона ќе настапува во Серија Б.

На клупата на сениорскиот тим беше поранешниот селектор на младата репрезентација на Италија, Алберико Евани, а до него седеше клупската легенда Атилио Ломбардо, кој ја имаше улогата на помошник. За жал, токму нивните имиња ќе бидат запаметени како дел од најголемиот неуспех во историјата на Сампдорија.

Испаѓањето на Сампдорија не помина незабележано кај навивачите на градскиот ривал Џеноа, кои излегоа на улиците и славеа со огномети, одбележувајќи го историскиот пад на својот најголем ривал.

Cruel, muito cruel: a torcida do Genoa celebrou com todas as suas forças a inédita queda da rival Sampdoria para a Serie C.pic.twitter.com/3m4HEaV6s7

— Calciopédia (@calciopedia) May 14, 2025

Сампдорија зад себе има богата историја и во 1991 година беа шампиони на Италија, а го освоија и Купот на победниците на куповите во 1990 гофина, додека во период од 1985 и 1994 година четири пати триумфираа во Купот на Италија.