Митевски денеска потпиша нов тригодишен договор со аеродромскиот клуб, моментно станува збор за еден од нашите најталентирани кошаркари.

Летово беше меѓу најзаслужните што „жолто-црвените“ јуниори го освоија четвртото место на Европското првенство (ЕП), дивизија „Б“, во Орадеа (Романија).

Митевски минатата сезона беше предводник на две шампионски генерации, поточно на младинскиот тим кој заврши како првопласиран во Втората лига, како и на јуниорскиот состав кој беше најдобар во М-18 лигата во организација на нашата кошаркарска федерација.

Подолгорочниот договор со талентираниот Дарио е само уште една потврда на заложбите на МЗТ за давање шанса на најдобрите млади играчи во државата, за што и беше донесена одлуката младинскиот тим на МЗТ да игра во Првата лига следната сезона.