ЕЦБ: Кредитирањето на компаниите во еврозоната се намали за прв пат од 2015 година

Во октомври банките во еврозоната ги намалија кредитите на компаниите за прв пат од летото 2015 година, покажаа податоците на Европската централна банка (ЕЦБ). Банкарските кредити на компаниите се намалени за 0,3 отсто во октомври во однос на истиот месец лани, по растот од 0,2 отсто во претходниот месец, објави ЕЦБ.

Последен пат банките ги намалија кредитите на компаниите во јули 2015 година, кога еврозоната почна да закрепнува од должничката криза. Кредитирањето на домаќинствата во октомври е зголемено за 0,6 отсто, најслабо од почетокот на 2015. Во септември е зголемено за 0,8 отсто. Намаленото кредитирање на компаниите и ограничената понуда на пари се резултат на заострената монетарна политика на ЕЦБ, која од јули минатата година до средината на септември годинава ги зголеми каматните стапки за 4,5 процентни поени, со цел да ја заузда инфлацијата преку ограничување на побарувачката.

Построгите услови за финансирање резултираа со пад на економската активност во зоната на примена на заедничката валута во третиот квартал, а S&P Global во последното месечно истражување за деловните активности проценува дека може да влезе во рецесија на крајот на оваа година. Некои аналитичари сега стравуваат дека ЕЦБ отишла предалеку со зголемувањето на каматните стапки и дека кредитирањето станало толку рестриктивно што би можело да ја продлабочи рецесијата или да го забави закрепнувањето на економијата во наредната година, забележува Ројтерс, пренесува СЕЕ.биз.еу.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот