Актерката позната по улогата на Дона во хит серијата „Беверли хилс“ Тори Спелинг и нејзиниот поранешен сопруг, актерот Дин Мекдермот, сè уште не го отплатиле шестцифрениот кредит што го зеле пред повеќе од една деценија, а долгот оттогаш пораснал на речиси 400.000 долари, објави „Пејџ Сикс“.

„Сити нешнал банк“ поднела барање за обновување на пресудата минатата недела во Лос Анџелес. Според него, основиот долг изнесува 220.088,37 долари, а со камата и дополнителни такси, 395.729,82 долари.

Како што беше претходно познато, „Сити нешнал банк“ им позајмила на Спелинг и Мекдермот 400.000 долари во 2012 година, со обврска износот да се врати со камата. Веќе во декември 2016 година, банката поднесе тужба за првпат поради долгот од 188.803,38 долари.

„Сити нешнал банк“ продолжи со обидите за наплату, но поранешната двојка одби да ги врати парите, па затоа во 2019 година беше донесена пресуда поради неплаќање, според која Спелинг должи 219.796,66 долари, додека Мекдермот должи 202.066,10 долари.

Меѓутоа, во последниот документ Спелинг е наведена како единствената тужена личност, па затоа сè уште не е јасно дали Мекдермот должи нешто.

Инаку, Спелинг и Мекдермот се разделија во јуни 2023 година по 18 години брак, тие имаат пет деца – две ќерки, Стела (17) и Хати (13), и синови Лиам (18), Фин (12) и Биџу (8). Мекдермот има и син, Џек (25), од претходна врска.

Во текот на разделбата, Спелинг и децата живееле во мотел со недели, каде што ноќевање чинело 100 долари, бидејќи откриле дека нивната куќа е полна со мувла. Потоа, извесно време поминале живеејќи во камп-куќичка, а потоа се преселиле од еден изнајмен стан во друг.

Во ноември 2023 година, калифорниската даночна управа поднела неколку барања поради неплатени даноци за нејзината куќа во Калабасас, бидејќи наводно должи речиси 100.000 долари даноци.

Во една епизода од нејзиниот поткаст „мисСпелинг“ (misSPELLING), актерката, наводно на шега, рекла дека ќе мора да  отвори ОнлиФенс за да може да ги испрати сите свои деца на факултет.

Во постојана агонија: Ѕвездата на „Beverly Hills 90210“ и нејзините деца болни поради мувла

ФОТО | Што се случило со нејзиното лице? Ѕвездата на „Беверли Хилс“ шокираше со својот изглед

ВИДЕО | Ѕвездата на „Beverly Hills 90210“ евакуирана: Вооружен сосед држел заложник