На Филмскиот фестивал во Њујорк, Џорџ Клуни откри дека неговите деца сакаат да пеат и да настапуваат.

„Тешко е да се каже на осум години што ќе прават, но тие се многу забавни и уживаат во пеењето. Се надевам дека ќе го направат она што навистина сакаат да го прават во животот“, рече актерот, откривајќи го скриениот талент на своите близнаци.

Тој додаде дека децата дури сега почнуваат да разбираат колку се всушност познати нивните родители. „Син ми ме праша: „Тато, што значи да се биде „познат“? Некој во мојот клас ми рече дека си славен.“ Јас реков: „Кажи му дека сум многу славен“, се пошегува Клуни.

Иако Ела и Александар не ги гледале повеќето негови филмови, од она што го гледале, особено им се допаднал анимираниот филм „Фантастичен г-дин Фокс“, додека нивниот татко намерно ги „поштедува“ од филмот „Бетмен и Робин“. „Сакам да ме почитуваат“, призна актерот низ смеа.

Нивната љубов кон музиката е особено очигледна кога го слушаат мјузиклот „Хамилтон“.

„Еден ден имав шест деца во комбето кои ги пееја сите песни од мјузиклот во хор. Морам да признаам, малку е вознемирувачки да се слушнат осумгодишни деца како пеат некои од тие стихови“, рече Клуни.

Клуни намерно ја забавил својата кариера за да поминува повеќе време дома. „Веќе не сум во таа трка за успех, сега уживам во моето семејство“, откри тој. Благодарение на Амал, близнаците веќе течно зборуваат англиски, француски и италијански, а детството го поминале патувајќи помеѓу семејните домови во Франција, езерото Комо и реката Темза.

Клуни призна дека понекогаш се чувствува во „тактички неповолна положба“ поради нивниот јазичен талент. „Не сум особено паметен човек, а ги вооружав моите деца. Тие зборуваат јазици што јас не ги знам, а кога се обидувам да измислам нешто, тие само ме гледаат и велат: „Глупав си““, рече тој, истакнувајќи дека всушност сето тоа го наоѓа забавно и дека неизмерно ужива во секојдневниот живот како татко.