Филмот „Шоуто на Труман“ во режија на Питер Вир сè уште се смета за еден од најважните наслови од 90-тите, а воедно му донесе на Џим Кери една од најзначајните улоги во неговата кариера. Заплетот го следи Труман Бурбанк, „обичен човек“ кој несвесно живее во реалност каде е опкружен со лажни пријатели, сопруга, соседи и град кој всушност не постои. Само преку случајно откритие тој ја сфаќа вистината и се обидува да избега од тој свет.

Но, публиката ретко знаеше дека зад легендарните сцени лежи вистинска драма.

За време на снимањето на моментот кога Труман се обидува да избега со брод и се соочува со бура, Кери речиси загинал.

Додека огромните машини создавале бранови, а ветерот вештачки се засилувал од моќни мотори, актерот, облечен во тешка волнена облека, завршил под вода. Како што подоцна призна, неговата влажна облека го влечела на дното, а кога очајно ја кренал раката за да сигнализира за помош, дел од екипажот помислил дека глуми.

Со последен напор успеал да стигне до работ на сетот што ја претставуваше границата на замислениот свет на Труман, каде што останал, држејќи се за ѕидот, сè додека екипата конечно не сфатила дека не се шегува.

Инаку, Џим Кери неодамна се пензионираше, но кога сфати дека ги потрошил сите заштеди од 300 милиони долари, мораше да се врати на филмот.