Американската тенисерка Џесика Пегула денеска ја освои титулата на турнирот во Бад Хомбург, Германија, откако во финалето ја победи осмата тенисерка во светот од Полска, Ига Швјонтек, во два сета со 6:4, 7:5.

Третата тенисерка на светот победи по еден час и 46 минути игра и ја освои деветтата титула во својата кариера.

Пегула направи брејк на сервисот на противничката во седмиот гем од првиот сет, ја задржа предноста на брејкот до крајот и поведе во мечот.

Тенисерките беа сигурни во своите сервис гемови во вториот сет сè до 11-тиот кога Пегула направи брејк и поведе со 6:5. Потоа таа го доби гемот на свој сервис и по првата меч-поен ја освои својата трета титула во сезоната, по Остин и Чарлстон.

Ова е нејзина втора титула на турнири на тревна подлога, откако триумфираше во Берлин минатата година. На спротивната страна Швјонтек се обидуваше да ја освои својата прва титула по минатогодишниот Ролан Гарос.