Џенифер Лопез неодамна гледала имот во населбата Брентвуд во Лос Анџелес, во близина на вилата во кој живее нејзиниот поранешен сопруг Бен Афлек.

Според медиумите, ѕвездата би сакала да купи уште една куќа, а се работи за вила вредна 20 милиони долари. Изворот тврди дека Лопез го веќе го разгледала имотот, пишува „Дејли мејл“.

Исто така, изворот додал дека имотот многу ѝ се допаѓа, но е загрижена за квалитетот на воздухот, со оглед на шумските пожари кои беснеат од 7 јануари годинава. Заедно со тоа, таа ангажирала и експерт за квалитет на воздухот за да ја процени областа пред да продолжи со процесот на купување.

Што се однесува до Афлек, тој се евакуираше за време на пожарот и остана со другата поранешна сопруга Џенифер Гарнер и нивните деца. Неговата куќа вредна 20 милиони долари се наоѓала на границата со Пацифик Палисадес, каде што избил пожарот.

Медиумите претходно објавија дека Лопез е загрижена за Бен Афлек откако дозна дека е евакуиран.

„Џенифер беше загрижена за Бен во текот на ова ужасно искуство и му даваше до знаење дека е тука за него и за децата. Таа ја понуди својата поддршка за сѐ што им треба и рече дека ќе им помогне на секој начин”, рекол изворот, мислејќи на неговите деца со Џенифер Гарнер.

Иако поранешната двојка го финализираше разводот на почетокот на овој месец, тие сѐ уште се обидуваат да ја продадат својата заедничка палата во Беверли Хилс, која според пазарната цена вреди 61 милион долари.