На почетокот на април, Меган Маркл го лансираше својот бренд „As Ever“, а еден од производите беше и домашниот џем од јагоди. Џемот се распродаде за помалку од еден час, а залихите не се надополнети речиси два месеци.

Иако лансирањето предизвика огромен публицитет и производите исчезнаа од онлајн продавницата за помалку од еден час, многумина што сакаа да го пробаат џемот не успеаја да стигнат до него, а повеќето кои го пробаа беа само познати личности на кои Меган им испратила примероци како дел од маркетиншката кампања и ретките среќници кои успеале да го купат веднаш по пуштањето во продажба.

Освен прашањето колку производи всушност продала, многумина сега се заинтересирани кога ќе има нови џемови.

„Она што треба да го направите кога имате наратив и неколку позитивни приказни за тоа колку брзо нешто се продало, да сакате тоа да продолжи. Затоа ме интересира каква е вистинската приказна овде“, коментираше британскиот пи-ар консултант за „Њузвик“, објаснувајќи дека на Меган не ѝ е гајле што ги збунила своите обожаватели.

Долготрајната недостапност на производот, без јасни информации за нови залихи, ги остава вистинските обожаватели во неизвесност, што ги тера да се прашуваат дали воопшто вреди да се чека толку долго за производ за кој слушаат повеќе од една година. Експертот за односи со јавноста предупреди дека таков потег е лош за брендот бидејќи создава чувство на вештачка ексклузивност, а фрустрацијата од неможноста за купување може да ја надмине почетната возбуда и позитивните приказни.

По шпекулациите, Меган Маркл конечно проговори и со својата изјава навести во која насока планира да оди. Во интервју за престижното американско списание „Фаст компани“, Меган откри дека планира да направи чекор назад и детално да ја анализира иднината на нејзиниот бренд „As Ever“, што значи дека можеби никогаш нема да го врати својот популарен џем, кој се распродаде за рекордно време.

-Сакам да соберам податоци за производите од брендот и да утврдам точно што може да биде „As Ever“ – рече Меган, додавајќи дека е отворена за нови насоки, вклучително и потенцијален влез во модната индустрија.

 

View this post on Instagram

 

A post shared by Meghan (fan page) (@_duchess_of_sussex)