Популарниот актер Џејми Фокс за време на снимањето на специјалната серија на Нетфликс, пред преполната публика откри дека имал скоро смртно искуство и бил во кома неколку недели, за време на сè уште мистериозната здравствена криза, поради која бил хоспитализиран во 2023 година.

Стендапот на Џејми Фокс на Нетфликс, кој треба да биде премиерно прикажан следниот вторник, се смета за срдечно враќање во кое ѕвездата изразува длабока благодарност до оние кои се молеа и го поддржаа неговото закрепнување, претворајќи го неговото шоу во благодарност, пренесува „Јутањи.хр“.

Двајца фанови на Фокс кои присуствуваа на снимањето на специјалната серија на почетокот на октомври во Атланта, изјавија за Си-Ен-Ен дека Фокс направил шоу каде ја открил својата дијагноза и разговарал за неговото закрепнување. Така, наскоро јавноста веројатно би требало да знае што се случило со актерот. Веројатно, затоа Нетфликс одби да коментира што ќе има во финалната верзија на специјалното издание.

„Фокс рече дека се онесвестил и следното нешто на кое се сеќава како се разбудил. Тој рече дека тоа било искуство пред смрт„, изјави Демекос Чемберс, долгогодишен обожавател на Фокс кој присуствуваше на снимањето, споделувајќи го она што го видел со јавноста.

Тој зборувал за будењето во болница. Мислел дека се онесвестил за момент, но поминал две или три недели како бил во кома.

Чембер открил и дека Фокс споделил дека  толку долго бил во несвест што кога се разбудил во болница имал брада, а исто така додаде дека од публиката се барало да ги стават телефоните во кеси за време на настапот, но не биле замолени да потпишат какви било изјави што ги спречуваат слободно да зборуваат за она што го слушнале и виделе.

Во основа, Фокс очигледно не се воздржувал во својата исповед за ужасната хронологија на неговата хоспитализација откако се онесвести на снимањето во Атланта, каде што ја снимаше „Враќање во акција“ на Нетфликс со Камерон Дијаз.

Џејми Фокс обвинет за сексуален напад: Инцидентот се случил во 2015 година