Американскиот рапер Џеј Зи предизвика поделени мислења на интернет, откако изјави дека не му дал пари на роднина кој му пришол за помош.

Раперот,кој има богатство од 2,5 милијарди долари, разговарал со актерот Кевин Харт во неговата емисија „Харт ту харт“ (Hart to Heart) за неговите проблеми со роднините кои му бараат пари кога ќе го посети семејството за празниците.

Џеј-Зи притоа раскажува дека сакал да биде дома – во своето засолниште, со блиските, но секогаш му е незгодно кога на тие семејни собири роднините му приоѓаат и го молат да им помогне со парични средства.

Во една таква прилика, неговиот братучед му побарал 4.800 долари, тврдејќи дека може да ги претвори во два милиони. Џеј-Зи, вели, дека го одбил, па роднината му замерил.

На интернет следеше лавина критики поради „штедливоста“, т.е. скржавоста на раперот.

„Џеј-Зи има 2,5 милијарди долари, неговиот братучед побарал 4.800 долари, а тој вели – ‘не’. Тоа е како мене некој да ми побара цент“; „Другите рапери земаат милиони за нивното семејство да може да живее среќно, тој заработи милиони и сè уште се кара со братучед му за пари“ – гласат дел од коментарите.

Но, има и такви кои го поддржаа ставот на раперот.

„Проблемот е во тоа што првиот пат кога ќе кажете ‘да’, тие секогаш мислат дека можат да се вратат барајќи повеќе. А, тоа ги охрабрува и другите луѓе околу нив да прашаат“; „Џеј Зи е деловен човек, сигурен сум дека ако планот на неговиот братучед бил солиден, тој ќе бил повеќе од среќен да инвестира“, гласат дел од коментарите.

Во продолжение погледнете го видеото од интервјуто:

Економисти тврдат: Бијонсе е виновна за високата инфлација во Шведска

Бијонсе и Џеј Зи платија сулуда сума за новата вила: „Го срушија рекордот, а куќата е како бетонски бункер“