На неделниот Супербол присуствуваа многу познати личности, од кои некои настапија во текот на вечерта. На натпреварот присуствуваше и раперот Џеј Зи (55), кој влезе на стадионот со ќерката Блу Ајви (13), а друштво му правеше и нивната помала ќерка Руми (7), која ретко се гледа во јавноста.

13-годишната ќерка на Бијонсе, според многумина, изгледаше како копија на нејзината мајка. Носеше предимензионирана кожна јакна и широки фармерки, во комбинација со чанта со леопард принт. На главата носеше очила за сонце, а кадравата коса дополнително ја зголеми нејзината сличност со Бијонсе.

Ова е втора година по ред семејството да го гледа Суперболот од трибините. Недостасуваа само Бијонсе, која настапи на натпреварот минатата година, и братот близнак на Руми, Сер.

На стадионот во Њу Орлеанс беше и претседателот Доналд Трамп, кој се појави на теренот за време на традиционалното фрлање паричка. По натпреварот, Трамп ја исмејуваше Тејлор на социјалните мрежи, фалејќи се дека добил „громогласни овации“.