Основачот на „Амазон“, Џеф Безос, и неговата долгогодишна партнерка Лорин Санчез се подготвуваат за она што би можело да биде свадба на годината. Следниот месец, парот се очекува да застане пред олтарот, а новите детали за нивната церемонија предизвикуваат голем интерес кај јавноста.

Според најновите информации, Џеф Безос и Лорин Санчез избрале неконвенционално место за нивната церемонија – реновиран театар на отворено на еден од венецијанските острови.

„Се зборува дека резервирале театар кој е реновиран“, открил извор за „The US Sun“. „Тоа не е баш вообичаено место за свадба. Но сите зборуваат за свадбата и тоа ќе биде голема прослава.“

Иако точната локација не е официјално потврдена, некои извори сугерираат дека церемонијата би можела да се одржи и на јахтата на Безос, вредна 500 милиони долари, која ќе биде закотвена во венецијанската лагуна. На таа јахта Безос ѝ предложил брак на Санчез во 2023 година, додека биле закотвени покрај францускиот брег.

Датумот и главните подготовки

Венчавка е закажана за периодот помеѓу 24 и 26 јуни 2025 година. Парот веќе ги резервираше датумите за две недели пред времето кога би требала да се одржи венчавката. Неодамна, Безос и Санчез беа видени во Милано во модната куќа „Долче и Габана“ на проба на венчаници. Неодамна резервирааа и хотел во Венеција.

ФОТО | Хотел од соништата, цена од ноќните мори – Џеф Безос и Лорин Санчез ќе платат дури 11.600 долари за една ноќ во Венеција

Иако се појавија гласини дека Лејди Гага и Елтон Џон ќе настапат на свадбата, некои извори веќе ги негираа тие тврдења. Извор близок до Лејди Гага изјави за „Пејџ Сикс“ дека таа нема венчавки во странство на распоредот. За Елтон Џон, чии приватни настапи чинат помеѓу 2,5 и 6 милиони долари, сè уште нема официјална потврда.

За овој настан, двојката резервирала четири луксузни хотели и цела флота водни такси во Венеција. Градоначалникот на Венеција, Луиџи Бруњаро, потврди дека градот ќе биде домаќин на свадбата. Наводно дизајнерот Доменико Долче од модната куќа „Долче и Габана“ одиграл клучна улога во изборот на Венеција како локација за свадбата.