Неодамнешниот извештај на „Uniti Technologies“ покажа дека бројот на играчи на компјутерски игри во светот, во првите пет месеци од годинава, пораснал за 50 отсто во однос на претходната година.

Како главна причина за големиот раст се наведува пандемијата ширум светот, па согласно овие промени во животните навики луѓето кои биле приморани да останат во изолација поголем дел од времето помунувале пред компјутер и мобилен телефон.

Дневниот број на корисници на компјутерски игри како и игри на конзола пораснал за 46 отсто во првите пет месеци, додека дневниот број на корисници на игри на смарт телефон пораснал за 17 отсто.

Извештајот пренесува и дека бројот на инсталирани игри на мобилен телефон пораснал за дури 84 отсто од почетокот на оваа година.