Познатата македонска пејачка Ребека имаше посебна причина за славење, нејзините близнаци Макариј и Доротеј го прославија својот 12-ти роденден. По тој повод, гордата мајка сподели емотивна фотографија на социјалните мрежи, на која е заедно со своите тројца синови и роденденската торта, со насмевки кои говорат повеќе од илјада зборови.

Фотографијата на која владее семејна топлина и љубов за кратко време собра илјадници допаѓања, а под неа се нижеа коментари со честитки, желби и пофалби за прекрасните момчиња.

Во описот на фотографијата, Ребека упати трогателна благодарност до сите што ѝ го разубавија денот:

„Ви благодариме на сите за прекрасните честитки, желби и подароци. За многу години и денешниот прекрасен празник – Рождество на Пресвета Богородица.“

Не случајно, роденденот на Макариј и Доротеј се совпадна со еден од најубавите православни празници — Рождество на Пресвета Богородица, што на целото семејство му даде дополнителна духовна димензија на денот исполнет со радост, смеа и љубов.

Ребека не крие колку е посветена мајка, секој јубилеј, секој важен момент од животот на нејзините деца го споделува со својата публика, пренесувајќи топлина и искрена благодарност.

Поп-пејачката Ребека Јанковска – Ристески и нејзиниот сопруг Мики се во брак од 2006 година. Тие имаат три деца, синовите Маркијан, Макариј и Доротеј.