Движењето Анти коцкање во реакција посочува дека очекува одговор од премиерот Христијан Мицкоски и од претставницте на ВЛЕН во врска со поканата за средба испратена од нивна страна уште во септември.

Реакцијата на Движењето Анти Коцкање ја започнуваме од крајот, бидејќи нашата желба произлегува од фактичката состојба, а не од политичката состојба и не од секојдневните интереси, затоа бараме да бидеме правилно разбрани. Ви се обраќаме за да ве потсетуваме и истовремено да бараме објаснување за ветувањето дека ќе ги затворите објектите за коцкање, ветивте дека ќе ги исчистите сите „дворови на образовните објекти“ и ќе го ослободите народот од постојаниот грабеж што му се прави. Бараме објаснување,што навистина се случува? Ве потсетуваме дека парцијалните решенија се покажаа како неефикасни и контрапродуктивни и не го решаваат проблемот со коцкањето, се бара труд и делување, велат од движењето во својата реакција.

Оттаму бараат Мицкоски и Влен да останат верни на дадените ветувања во изборната кампања.

Бараме да останете на дадените ветувања, потсетувајќи дека изборната кампања е завршена. Сакаме да бидеме правилно разбрани и дека состојбата со коцкарските објекти продолжува да биде алармантна и не може да трае вечно. Бараме да се убедите дека коцкањето не треба да го третирате како сезонски, или како етнички проблем, а најмалку како проблем за политичка корист. Напротив, треба да се третира како национален проблем, како зло кое уништува цели семејства, бараме да се сфати како класичен грабеж кој се зајакнува со горење на човечкото ткиво на нашите и вашите семејства. За да се отстранат недоразбирањата бараме да одговорите на нашата покана за состанок што е можно поскоро, бидејќи времето истекува. Бараме исполнување на барањата на Движењето Антикоцкање, ние сме само за долгорочни решенија!, велат оттаму.