Две години по разделбата: Лиза Бонет поднесе барање за развод од Џејсон Момоа
Лиза Бонет поднесе барање за развод од Џејсон Момоа, две години откако во медиумите се прошири веста дека се разделени, пренесува „ТМЗ“.
Препорачано
До неодамна поранешниот пар важеше за еден од најхармоничните во Холивуд. Момоа имаше одлични односи со Лени Кравиц, со кого Лиза Бонет ја има ќерката Зои Кравиц. Поради ова честопати се коментираше дека нивната семејна заедница е невообичаена, но за пример.
Сега, според „ТМЗ“, Лиза побарала од судијата да го раскине бракот. Во судските документи датумот на раскинување е наведен како 7 октомври 2020 година, пред две години била објавена веста дека раскинале, а бидејќи се венчале во 2017 г. , тоа би значело дека биле во брак три години.
Поранешниот пар има две деца, Лола и Нако – Вулф, а Лиза бара заедничко физичко и правно старателство над децата. Таа не бара алиментација од поранешниот сопруг, а нема индиции дека и тој дал такво барање.
Се упатува на тоа дека имале предбрачен договор, бидејќи се наведува дека е договорена поделба на нивниот имот, како и дека покрај заеднички имот имаат и посебен имот.
Бракот на Момоа со Лиза беше негов прв брак, тие почнаа да се забавуваат во 2015 година. Тие се запознале во џез клуб во 2005 година, долго пред Момоа да се прослави играјќи го Кал Дрого во „Игра на тронови“. Лиза се прослави како Дениз Хакстејбл во хит серијата од 1980-тите „Шоуто на Козби“ и е 12 години постара од актерот.
