Денеска во рамките од шестото на плејоф-фазата на македонската Суперлига ремизираа екипите на Бутел и Металург со 23:23 во салата „Антон Димитров“ во Бутел.

Домаќините имаа шанса за победнички погодок во последните секунди, но тоа не дозволи голманот на гостите, Даниел Дупјачанец. Најдобар стрелец во редовите на Бутел беше Владимир Јевтиќ кој забележа седум гола, а по три постигнаа Младеновски, Стојановски, Мојсоски и Трифковиќ.

На спротивната страна за тимот од Автокоманда хрватското десно крило Златко Хорват реализираше осум погодоци, а шест беа дело на Мартин Серафимов.

Се одигра уште еден меч во кој исто така немаше победник, односно бодовите ги поделија Струга и Охрид (17:17).

На табелата во шампионатот води Вардар 1961 со 18 бодови, три повеќе од Еурофарм Пелистер, следуваат Тинекс Проет Скопје (девет), Охрид (осум), Бутел Скопје (седум), Металург (пет), Струга (три), а вториот тим на Еурофарм Пелистер е последен со два.