Од ДУИ соопштија дека микро, малите и средните претпријатија им се пожалиле дека плаќаат поскапа струја од 1 јули. Според ДУИ, тоа го направила Владата нетранспарентно.

„Имајќи ги предвид поплаките на микро, малите и средните претпријатија, ДУИ ги пренесува нивните поплаки дека Влада со моноетнички легитимитет, на нетранспарентен начин ја зголемила цената на струјата за над 65.000 микро, мали и средни претпријатија за повеќе од 50 проценти. Дури од 8,78 ден/kWh до 13,37 ден/kWh, или за повеќе од 50%“, соопштија од партијата.

Оттаму велат дека „оваа акција директно влијае на буџетот на граѓаните со зголемување на цената на производите и услугите како и оштетување на ликвидноста на компаниите“
Цените на малите компании ги одредува Регулаторната комисија за енергетика како независно регулаторно тело. Оттаму, за „Слободен печат“ рекоа дека цените се јавно објавени уште на 1 јули.

– Регулаторна комисија не коментира напади на политички партии. Малите компании може да одат на слободен паазр, каде што сега цените се 40 отсто пониски од регулираните. Ние, како што кажавме, сме тука да ги штиме домаќинствата – изјавија за „Слободен печат“ од Регулаторната комисија за енергетика.