Државниот симфониски оркестар од Солун, за првпат во неговото 66-годишно постоење, на 17 мај, во 19:30 часот, ќе настапи во Скопје во салата на Филхармонија на Северна Македонија.

Оркестарот ќе изведе дела од Морис Равел и неговиот грчки ученик Емил Риадис, а по повод 150-годишнината од раѓањето на Морис Равел. Настанот е дел од проектот „Активности за интернационализација на Државниот оркестар на Тесалоники“, кој е финансиран од Европската унија.

Со Оркестарот ќе диригира грчкиот диригент Владимирос Симеонидис, а како солисти на концертот ќе настапат специјални гости од двете земји, како сопранистката Мирто Папатанасиу и реномираниот пијанист Симон Трпчески.