Државната и јавната администрација во Скопје денеска ќе работат со скратено работно време
![](https://www.slobodenpecat.mk/wp-content/uploads/2023/09/скопје-5.jpg)
Врз основа на заклучоците донесени на 199. седница на Владата, сите вработени во државната и јавната администрација на територијата на градот Скопје денеска ќе работат со скратено работно време до 12:00 часот, поради Самитот на ОБСЕ што се одржува во Спортскиот центар „Борис Трајковски“ – Скопје.
Здравствените установи ќе работат за време на министерскиот состанок на ОБСЕ
30 ноември е неработен ден за сите вработени во државната и јавната администрација, на подрачјето на град Скопје. Истиот нема да се одработува.
Оваа одлука се однесува и на основните и средните училишта на подрачјето на град Скопје, но не се однесува на јавните предучилишни установи, здравствените установи и безбедносните служби на подрачјето на градот Скопје.
Царинските испостави во Скопје нема да работат во четврток, а во среда само до пладне
Се препорачува приватниот сектор на подрачјето на Градот Скопје, а особено во подрачјето на Општина Карпош и општините кои гравитираат кон Спортскиот центар „Борис Трајковски“ и хотелот „Александар Палас“ да ги спроведат заклучоците.