Германски турист се води како исчезнат во езерото Комо во Италија, откако успеал да ги спаси своите две мали деца кои паднале во водата, јавија медиумите.

Несреќата се случила во понеделник попладне на страната од езерото спроти градот Дорио. Човекот бил на одмор со сопругата децата и тргнал на патување со брод од градот Донго. Во еден момент, децата завршиле во водата, а таткото скокнал за да ги спаси. Иако успеал да ги извлече од опасност, тој никогаш повеќе не се појавил на површината, а се верува дека го одвлекле силните струи на езерото.

Туристите кои од плажата забележале дека човекот не се вратил на површината, по што пријавиле и започнала потрага, во која се вклучиле противпожарен хеликоптер, хидроамбуланта, поморски спасувачки тим, противпожарни единици и крајбрежната стража.

На местото на настанот пристигнале и нуркачи од специјалната единица Венето.

Подводен робот со далечинско управување, кој ќе пристигне од Сардинија, ќе биде употребен во среда за да се спроведе детално пребарување на дното на езерото.